Þetta er sagan af landafundum og Ameríkuferðum norrænna manna fyrir þúsund árum. Hér segir ekki aðeins frá Leifi heppna, heldur fjölmörgum öðrum, meðal annars fyrsta Evrópumanninum sem fæddist í Ameríku, Snorra Þorfinsssyni, og ferð hans með foreldrum sínum alla leið suður til New York, þar sem leiðangursmenn lentu í bardaga við indíána.
Sögurnar voru upphaflega skrifaðar fyrir átta öldum en eru hér endursagðar á auðskildu máli og því auðveldar aflestrar hverjum nútímamanni, ekki síst unglingum. Bókin er ríkulega myndskreytt auk þess sem kortin gera lesandanum ætíð kleift að sjá hvert leiðin liggur.